د کندهار ولایت د شاه ولي کوټ ولسوالۍ د حقوقو مدیر معرفي شو
د کندهار ولایت د عدليې ریاست یو پلاوي شاه ولي کوټ ولسوالۍ ته د سفر په ترڅ کې د دغې ولسوالۍ د حقوقو نوی مدیر معرفي کړ.
د کندهار د عدليې رییس د لارښوونې پر اساس مولوي سخي جان د شاه ولي کوټ ولسوالۍ د حقوقو مدیر په حیث وټاکل شو چې د صفر المظفر میاشتې په ۲۲ نېټه د یکشنبې په ورځ د حقوقو آمر او د مسلکي مدیر لخوا کارکوونکو او مسوولینو ته معرفي شو.
په یادو مراسمو کې د کندهار مسوولینو او د عدلیې رییس سربېره د شاه ولي کوټ ولسوالۍ ولسوال، امنیه قوماندان، قاضي، د امربالمعروف او استخباراتو مسوولینو هم حضور درلود، د حقوقو مدیر ته یې مبارکي وویله او ترڅنګ یې هغه ته د بریالیتوب هیله وکړه.
