د ننګرهار د عدلیې رئیس د دغه ریاست د مراجعینو کارنو ته د ژر تر ژره رسیده ګۍ په اړه ټینګار وکړ
د ننګرهار عدليې رئیس مولوي فاتح الله فاتح د دې ریاست په اداري ناسته کې ټینګار وکړ چې کارکوونکي باید د عدلیې ریاست د مراجعینو کارونو ته په فوري ډول رسیده ګي وکړي.
د ننګرهار د عدلیې ریاست اداري ناسته د صفر المظفر میاشتې په ۱۶ نېټه د دوشنبې په ورځ د مولوي فاتح الله فاتح په مشرۍ او د دغه ریاست د بېلابېلو څانګو کارکوونکو او آمرینو په شتون کې جوړه شوه.
د ننګرهار د عدلیې رئیس کارکوونکو ته وویل چې باید په ټاکل شوي وخت خپلو دندو ته حاضر شئ، هغه ټینګار وکړ چې د مراجعینو کارونه باید په چټکۍ سره حل شي او همدا راز د اداري فساد پر وړاندې جدي مبارزه وشي.
همدا راز هغه وویل چې د ننګرهار په عدلیې ریاست کې شته ستونزې چې کارکوونکې ورسره مخ دي، ډیر ژر به د حل لاره پیدا کړي.
