د عدلیې وزارت د تقنین د ستاژرانو د لومړي سمستر آزموینه واخیستل شوه
د عدلیې وزارت د دې وزارت د تقنین له ستاژرانو څخه چې د وروستیو بدلونونو په دلیل د هغوي د لومړي سمستر آزموینه ځنډېدلې وه، آزموینه واخیستله او ټاکل شوې ده د تقنین د ستاژ دوه یم سمستر ډیر ژر پيل شي.
دغه آزموینه د سه شنبې په ورځ ، د وري په ۳۰ د (۵۶) تنو ستاژرانو په ګډون چې د دولت له بیلابیلو ادارو او د شرعیاتو او حقوقو څانګو څخه فارغ شوي وو په عدلې وزارت کې واخیستل شوه.
د عدلیې وزارت د مقام له لارښونو سره سم د تقنین د ستاژ لوست به د وزارت د قانون جوړونې او د علمي-حقوقي څیړنو د چارو د انستیتوت د لوی ریاست لخوا د دې ستاژ د رسمي نصاب له کتنې او څیړنې وروسته ډیر ژر پیل شي.
د عدلیې وزارت کال په کال د دولتي ادارو یو شمیر کارکونکي او دحقوقو او شرعیاتو د څانګو فارغان د تقنین په ستاژ کې جذبوي او په دې دوره کې په قانون جوړونې پورې ځانګړې زدکړې هغوې ته ورکول کیږي.
