کابل ولایت کې څه دپاسه ۳۲۵ جریبه امارتي ځمکه تفکیک او تشخیص شوه
د کابل ولایت د ځمکې د غصب د مخنیوي تخنیکي هیئت ددغه ولایت چهار آسیاب ولسوالۍ ته ولاړ او څه دپاسه ۳۲۵ جریبه امارتي ځمکې چې له شخصي ځمکو سره مخلوطې شوې وې، تفکیک کړې.
دغه هیئت د چهار آسیاب ولسوالۍ نامونیاز کلي ته ولاړ او ۱۴۵.۷۸ جریب امارتي ځمکه چې یو شخص له خپل شخصي ځمکو سره مخلوطه کړې وه، تفکیک او بیاځلې امارتي تثبیت کړه.
په همدې توګه هیئت ددغې ولسوالۍ چهل دختران ساحه کې هم ۱۷۹.۷۹ جریب امارتي ځمکې له شخصي ځمکو څخه تفکیک او بیاځلې امارتي تثبیت کړې.
