په کاپيسا کې د یو مرکز زده کوونکو لپاره د حقوقي پوهاوي ورکولو برنامه جوړول
د کاپیسا ولایت د عدلیې ریاست د یوې برنامې په ترڅ کې د یاد ولایت د مرکز په یوه زده کړه ییز مرکز کې ۴۵ تنو ښوونکو او زده کوونکو ته حقوقي پوهاوی وړاندې کړ.
په دې برنامه کې چې د شعبان د میاشتې په ۴ نېټه د سه شنبې په ورځ جوړه شوه، د عدلیې ریاست د حقوقي مرستو آمریت د یاد مرکز ښوونکو او زده کوونکو لپاره د عدلي او قضايي ادارو د موقف، د ماشومانو د حقوقو، د اولادونو د روزنې او نورو موضوعاتو په اړه پوهاوی وړاندې کړ.
د یاد مرکز مسؤولینو او زده کوونکو د یادې برنامې په هرکلي سره په راتلونکي کې هم د دغه راز برنامو د جوړیدو غوښتنه وکړه.
