په کابل ښار کې د ۲۴ دارالوکالو بررسۍ او څارنه
د عدلیې وزارت د مدافع وکیلانو د ریاست د څارنې پلاوي د صفرالمظفر د میاشتې په ۲۰ نېټې د چهارشنبې په ورځ په کابل ښار کې د مدافع وکیلانو او دارالوکالو د فعالیت له څرنګوالي څخه بررسي و څارنه ترسره کړه.
د یادې بررسۍ په ترڅ کې، د کابل ښار په دوه یمې ناحیې کې ۲۴ دارالوکالې بررسۍ او څارنې لاندې ونیول شوې او له دغې جملې څخه ۴ دارالوکالې د غیرقانوني فعالیت په دلیل وتړل شوې او متصدیان یې د ځواب وړاندې کولو په موخه عدليې وزارت ته وغوښتل شول او په همدې توګه یو شمېر مدافع وکیلانو ته د مدافع وکیلانو د انسجام کړنلارې د لا ښه تطبیق په موخه لازمې توصیې وشوې.
د څارنې په ترڅ کې، له یاد شوي پلاوي سره یو شمېر مدافع وکیلانو له عدلي او قضایي بنسټونو سره خپلې ستونزې شریکې کړې او د عدليې وزارت له لارې د هغو د حل غوښتونکي شول.
