په کابل ښار کې د ۲۰ دارالوکالو بررسي او څارنه
د عدليې وزارت د مدافع وکیلانو د څارنې پلاوي د صفرالمظفر د میاشتې په ۲۵ نېټې د دوشنبې په ورځ په کابل ښار کې د مدافع وکیلانو او دارالوکالو د فعالیت له څرنګوالي څخه بررسي او څارنه ترسره کړه.
د یادې بررسۍ په ترڅ کې د کابل ښار په دوه یمې ناحیې کې ۲۰ دارالوکالې بررسۍ او څارنې لاندې ونیول شوې او له دغې جملې څخه ۱ دارالوکاله چې د مدافع وکیلانو د کړنلارې خلاف جوړه شوې وه، وتړل شوه او د ۱ بلې دارالوکالې متصدي چې لوحه یې د جوازلیک مطابق نه وه او غیر مسؤله شخص په هغې کې فعالیت ترسره کاوه، د ځواب وړاندې کولو په موخه عدليې وزارت ته وبلل شو.
دغه راز یوې بلې دارالوکالې ته چې د هغې متصدي تر دې دمه د وکالت مهر نه دی ترلاسه کړی، توصیه وشوه چې ژر تر ژره خپل مهر له اړوندې مطبعې څخه ترلاسه کړي
