په پکتیا ولایت کې د یو شمېر موټر پلورنځیو نظارت کېدل
د پکتیا ولایت د عدلیې ریاست نظارتي پلاوي، د رجب المرجب د میاشتې په ۸ مه نېټه د پنجشنبې په ورځ د یاد ولایت په مرکز، ګردیز ښار کې له ۱۲ موټر پلورنځیو څخه نظارت ترسره کړ.
د دغه نظارت په ترڅ کې، د موټر پلورنځیو رسمي سټې، د ثبت کتابونه او نور اړوند سندونه وکتل شوو او بررسي شول.
مؤظف پلاوي، د یادو موټر پلورنځيو نیمګړتیاوې مشخصې کړې او د ستونزو او نیمګړتیاو د لرې کولو په هکله یې د هغو متصدیانو ته لازمې توصیې وکړې.
د عدلیې وزارت په مرکز او د عدلیې ریاستونه په ولایتونو کې په دوامداره توګه له اړوندو برخو څخه نظارت او څارنه ترسره کوي تر څو د غیر قانوني فعالیتونو مخه ونیول شي.
