په پکتیا ولايت کې د معاملاتو لارښوونې د څلورو دفترونو تړل کېدل
د پکتیا ولایت د کورونو د کرایې د کنټرول ګډې کمېټې د دغه ولایت د عدلیې ریاست په مشرۍ د ذوالقعدې د مياشتې په ۵مه نېټه د چهارشنبې په ورځ د یاد ولایت په مرکز، ګردیز ښار کې د معاملاتو لارښوونې له ۶ دفترونو څخه نظارت ترسره کړ.
د دغه نظارت پر مهال د یادو دفترونو د معاملاتو څرنګوالی او د هغو رسمي سټې بررسي شوې چې په ترڅ کې یې د معاملاتو لارښوونې ۴ دفترونه د غیرقانوني فعالیتونو له امله وتړل شول.
د کورونو د کرایې کنټرول ګډه کمېټه په مرکز کې د عدلیې وزارت په مشرۍ او په ولایتونو کې د عدلیې ریاستونو په مشرۍ په جدي ډول د کورونو د کرایې له قراردادونو څخه نظارت ترسره کوي او د کرایې د زیاتوالي یا د غیر رسمي قرارداد د مشاهدې په صورت کې به له سرغړونکو اشخاصو سره جدي چلند وکړي.
