په پنجشیر ولايت کې د معاملاتو لارښوونې د دفترونو نظارت کېدل
د پنجشیر ولایت د معاملاتو لارښوونې د دفترونو نظارتي پلاوي، د شوال د مياشتې په ۱۷مه نېټه د شنبې په ورځ د یاد ولایت په مرکز کې د معاملاتو لارښوونې له یو شمېر دفترونو څخه نظارت ترسره کړ.
نظارتی پلاوي د دغه نظارت په ترڅ کې د یادو معاملاتو لارښوونې دفترونه، جوازلیکونه، د ثبت کتابونه، رسمي سټې او نور سندونه بررسي کړل او د معاملاتو لارښوونې د دفترونو متصدیانو ته یې د موجودو نيمګړتياو د اصلاح او د کاري چارو ښه پرمخ وړلو په اړه لازمې توصیې وکړې.
د پنجشیر ولایت، عدلیې رياست په دوامداره توګه په یاد ولایت کې د معاملاتو لارښوونې له دفترونو څخه نظارت ترسره کوي تر څو د غير قانوني فعالیتونو مخنيوی وشي.
