په هغې غونډه کې چې د روژې د مبارکې میاشتې په مناسبت په کاردان پوهنتون کې جوړه شوې وه د عدلیې وزارت د بهرنیو اړیکو د رئیس ګډون
د افغانستان اسلامي امارت د عدلیې وزارت د بهرنیو اړیکو رئیس مولوي محمد شریف جهادیار، په په هغې غونډه کې ګډون وکړ چې د روژې د مبارکې میاشتې په مناسبت په کاردان پوهنتون کې جوړه شوې وه.
هغه په دې غونډه کې په ټولنه کې د قانون واکمنۍ په باره کې خبرې وکړې او د عدلیې وزارت پیغام یې ددې پوهنتون محصلانو ته ورساوه.
هغه دغه راز د اسلامي شریعت پربنسټ د صورت او سیرت د سمبالولو په باره کې خبرې وکړې او ددغه پوهنتون له محصلانو څخه یې وغوښتل چې خپل صورت او سیرت د اسلامي شریعت له مخې عیار کړي.
د عدلیې وزارت د بهرنیو اړیکو رئیس د پوهنتونو او اړوندو ادارو ترمنځ په همغږۍ باندې ټینګار وکړ او ددغه پوهنتون له مسوولانو څخه یې وغوښتل چې له محصلانو سره دې له نرمښت څخه کار واخلي.
