په هرات ولایت کې د څه باندې ۳۳ زره جریبه امارتي ځمکې تثبیت
د هرات ولایت د ځمکو له غصب څخه د مخنیوي تخنیکي هیئت ناسته د روژې د مياشتې په ۹ مه نېټه د یکشنبې په ورځ، د ياد هيئت د رئيس او غړو په ګډون جوړه شوه.
تخنيکي هيئت په دې ناسته کې، د هرات ولایت د ګذرې ولسوالۍ د جغرات، سفید بر او رباط سفچه کاریزونو ساحو د څه باندې څلور دېرش زره دوه سوه اتیا (۳۴۲۸۰) جریبه ځمکو دوسیې تر بحث او بررسۍ لاندې ونيولې او په ترڅ کې یې د یادو ساحو له جملې څخه دري دېرش زره څلور سوه دوه نوي (۳۳۴۹۲) جریبه ځمکه امارتي تثبیت او تشخيص کړه.
همدارنګه په دې ناسته کې د هرات ولایت په بېلابېلو ساحو کې د ځمکو د غصب اړوند یو شمېر نورې دوسیې هم بررسي شوې او په اړه یې لازم تصاميم ونيول.
