په هرات ولایت کې د معاملاتو لارښوونې له ۲۷ دفترونو څخه نظارت ترسره شو
د هرات ولایت د عدلیې رياست نظارتي پلاوي د جمادیالثانی د مياشتې په ۲۹ مه نېټه، د شنبې په ورځ، د هرات ښار په نهمه ناحيه کې د معاملاتو لارښوونې له ۲۷ دفترونو څخه نظارت ترسره کړ او د هغوی فعاليتونو بررسي کړل.
نظارتي پلاوي د دغه نظارت په ترڅ کې د یادو دفترونو رسمي سټې، د فعاليت جوازونه، د پیر او پلور قانونيتوب او یو شمېر نور اړين سندونه بررسي کړل چې په ترڅ کې یې ۱ دفتر د غيرقانون فعاليت له امله وتړل شو.
همدارنګه نظارتي پلاوي د پاتې نورو دفترونو په چارو کې یو شمېر نيمګړتياوې مشخصې کړې چې د لرې کولو په موخه یې د یادو دفترونو متصدياتو ته لازمې توصیې وکړې.
د هرات ولایت د عدلیې رياست په دوامداره توګه په یاد ولایت کې له اړوندو برخو څخه نظارت ترسره کوي ترڅو له غير قانوني فعالیتونو څخه مخنيوی وشي.
