په نيمروز ولایت کې له ۲۳ موټر پلورنځیو څخه نظارت ترسره شو
د نيمروز ولایت د عدلیې رياست نظارتي پلاوي د جمادیالثانی د مياشتې په ۳۰ مه نېټه د یکشنبې په ورځ، د دغه ولایت په مرکز زرنج ښار کې له ۲۳ موټر پلورنځیو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د یادو موټر پلورنځیو د ثبت کتابونه، جوازلیکونه، رسميسټې، لوحې او نور اړين سندونه بررسي کړل.
پلاوي د ياد نظارت په ترڅ کې ۶ موټر پلورنځي د غير قانوني فعاليت له امله وتړل او د پاتې نورو موټر پلورنځیو متصديانو ته یې د موجودو نيمګړتياوو د لرې کولو او د کاري چارو ښه پر مخ وړلو په موخه لازمې توصيې وکړې.
همدارنګه، د دغه نظارت په ترڅ کې د یادو موټر پلورنځیو متصديانو هم خپلې موجودې ستونزې له نظارتي پلاوي سره شريکې کړې او د حل غوښتونکي شول چې د حل په برخه کې ډاډ ورکړل شو.
