په ننګرهار ولایت کې له یو شمېر اتحادیو څخه نظارت ترسره شو
د ننګرهار ولایت عدلیې ریاست نظارتي پلاوي د ربیعالاول د میاشتې په ۱۴مه نېټه د دوشنبې په ورځ، د ننګرهار ولایت په مرکز، جلال اباد ښار کې له یو شمېر اتحادیو څخه نظارت ترسره کړ او د هغوی فعالیتونه یې بررسي کړل.
نظارتي پلاوي د دغه نظارت په ترڅ کې د یادو اتحادیو دفترونه، جوازونه، راپورونه او نور سندونه بررسي کړل.
یاد پلاوي د دغو اتحادیو نیمګړتیاوې مشخصې کړې او د لرې کولو په هکله یې د هغو مسؤولینو ته لازمې توصیې وکړې.
په ورته مهال، نظارتي پلاوي د اتحادیو د مسؤولینو وړاندیزونه، ستونزې او کاري ننګونې هم واورېدې او د حل په برخه کې یې هغوی ته ډاډ ورکړ.
