په ننګرهار ولایت کې د ۴ خیریه بنسټونو له فعالیتونو نظارت ترسره شو
د ننګرهار ولایت د عدلیې رياست نظارتي پلاوي، د ذیالقعدې میاشتې په ۲۷مه نېټه د یکشنبې په ورځ د یاد ولایت په مرکز، جلال اباد ښار په لومړۍ ناحیه او څلورمه ناحیه کې د خیریه بنسټونو له ۴ دفترونو څخه نظارت ترسره کړ.
په دغه نظارت کې د یادو دفترونو قانوني جوازونه، اساسنامې، د اداري فعالیتونو راپورونه، د مرستو د وېش څرنګوالی او نور موارد بررسي شول او په ترڅ کې یې د هغو یو شمېر نيمګړتياوې مشخصې شوې.
نظارتي پلاوي، د خيريه بنسټونو متصديانو ته د دغو نيمګړتياوو د لرې کولو او د کاري چارو ښه پرمخ وړلو په موخه لازمې توصیې وړاندې کړې.
د یادونې ده چې د عدلیې رياست په یاد ولایت په دوامداره توګه له اړوندو برخو څخه نظارت ترسره کوي ترڅو د غیرقانوني فعاليتونو مخنيوی وشي.
