په ننګرهار ولایت کې د یو شمېر موټر پلورنځيو نظارت کېدل
د ننګرهار ولایت د عدلیې رياست نظارتي پلاوي، د جمادی الأولی د مياشتې په ۱۸ مه نېټه د چهارشنبې په ورځ، د دغه ولایت د مرکز اړوند په پنځمه ناحيه کې له ۵ موټر پلورنځيو څخه نظارت ترسره کړ.
د دغه نظارت په ترڅ کې، د موټرو یو پلورنځی د غیر قانوني فعاليت له امله وتړل شو او د پاتي نورو موټر پلورنځيو متصديانو ته توصیه وشوه چې خپلې شته ستونزې او نيمګړتياوې لرې کړي.
د ننګرهار ولایت د عدلیې ریاست، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
