په مرکز کې د ولایتونو د غصب شویو ځمکو د تشخیص او تثبیت تخنیکي هیئتونو لپاره د زده کړه ییز سیمینار پای

hakeem_admin
یکشنبه ۱۴۰۳/۲/۹ - ۱۶:۲۸
.

د ولایتونو د غصب شویو ځمکو د تشخیص او تثبیت تخنیکي هیئتونو لپاره شپږ ورځنی زده کړه ییز سیمینار چې د ځمکو له غصب څخه د مخنیوي او د غصب شویو ځمکو د استرداد کمېسیون له لوري جوړ شوی وو، د شوال د میاشتې په ۱۹ نېټه د یکشنبې په ورځ پای ته ورسید.
د یاد سیمینار د پای په مراسمو کې د عدلیې وزارت سرپرست او د کمېسیون رئیس شیخ الحدیث مولوي عبدالحکیم شرعي، د کور او ښار جوړولو وزارت سرپرست او د کمېسیون غړی مولوي حمدالله نعماني، د مرکز زون او شمال زون د امارتي غصب شویو ځمکو قضیو ته د رسیدګۍ اختصاصي محکمې رئیسانو، د عدلیې وزارت د امارت د قضایاوو عمومي رئیس (د کمېسیون سکرتر) او نورو مسؤولینو حضور درلود.
په دغو مراسمو کې د عدلیې وزارت سرپرست په خپله وینا کې، یاد سیمینار خورا مهم وباله او ټینګار یې وکړ چې ګډونوال باید له هغو مواردو څخه چې زده کړي یې دي، د خپلو ولایتونو د غصب شویو ځمکو د تثبیت او تشخیص په برخه کې ورڅخه ګټه پورته کړي.
نوموړي د تخنیکي هیئتونو غړو ادارو او په ولایتونو کې د محلې ادارو ترمنځ  پر مشورې، همغږۍ او همکارۍ ټینګار وکړ او ویې ویل چې د ټولو موخه یوه ده چې ولس ته خدمت او د نظام پیاوړتیا ده. نوموړي روښانه کړه چې د تخنیکي هیئتونو او د نظام د هر مأمور او مسؤول اجراآت باید د قانون او اصولو مطابق وي. 
په دغو مراسمو کې د ځمکو له غصب څخه د مخنیوي کمېسیون رئیس د تخنیکي هیئتونو کاري ستونزې هم واورېدې او هغوی ته یې د ځمکو د غصب دوسیو ته د رسیدګۍ او ستونزو لري کولو د څرنګوالي په برخه کې لازمې لارښوونې وکړې.
له بلې خوا د کور او ښار جوړولو وزارت سرپرست مولوی حمدالله نعماني د یاد زده کړه ییز سیمینار په پای کې ګډونوالو ته د بریالتوب هیله وکړه او له هغوی څخه یې وغوښتل چې ورسپارل شوې چارې له اصولو سره سم ترسره کړي.
په دغو مراسمو کې د شمال زون او مرکزی زون د امارتي غصب شویو ځمکو قضیو ته د رسیدګۍ اختصاصي محکمو رئیسانو هم وینا وکړه او د ولایتونو د غصب شویو ځمکو تشخیص او تثبیت تخنیکي هیئتونو له خوا د عدالت او انصاف په پام کې نیولو یې ټینګار وکړ.
د غصب شویو ځمکو د تشخیص او تثبیت تخنیکي هیئتونو لپاره زده کړه ییز سیمینار د ځمکو له غصب څخه د مخنیوي کمېسیون له خوا په کابل کې د ملکي خدمتونو په انستیتوت کې د شپږو ورځو لپاره جوړ شوی وو او د ۳۴ ولایتونو تخنیکي هیئتونو شاوخوا ۲۰۰ تنو رئیسانو او غړو په کې ګډون درلود. په دې سیمینار کې ګډونوالو ته د ځمکو له غصب څخه د مخنیوي اړوند قوانین او نور تقنیني سندونه تشریح شول او د هغوی کاري ستونزې بحث او بررسۍ لاندې ونیول شوې.

تازه خبرونه

پنجشنبه ۱۴۰۴/۶/۶ - ۱۲:۵۶
Background image

د ځمکو له غصب څخه د مخنیوي او د غصب شویو ځمکو د استرداد کمېسیون د رهبرۍ ناسته جوړیدل

 د ځمکو له غصب څخه د مخنیوي کمېسیون رهبرۍ د عدلیې وزیر، د کمېسیون رئیس او  د اراضۍ او د امارتي ځمکو د استرداد وزارت وارسي کوونکي محترم شیخ الحدیث مولوي عبدالحکیم شرعي په مشرۍ د یوې. . .

چهارشنبه ۱۴۰۴/۶/۵ - ۱۴:۴۴
Background image

په نیمروز ولایت کې د معاملاتو لارښوونې له ۸ دفترونو څخه نظارت ترسره شو

 د نيمروز ولایت د عدلیې رياست نظارتي پلاوي، د صفرالمظفر د مياشتې په ۲۶ مه نېټه د چهارشنبې په ورځ د دغه ولايت په دلارام ولسوالۍ کې د معاملاتو لارښوونې له ۸ دفترونو څخه نظارت ترسره کړ او. . .

چهارشنبه ۱۴۰۴/۶/۵ - ۱۴:۳۱
Background image

د ننګرهار عدليې رئيس د معاملاتو لارښوونې د اتحادیې پر مسؤولینو ټینګار وکړ چې له اضافي پیسو اخیستلو څخه ډډه کړي

 د ننګرهار ولایت د عدليې رئیس مولوي محمد رئیس محمدي  د دغه ولایت د معاملاتو لارښوونې اتحادیې مسؤولینو او د جلال‌آباد ښار د نهه‌ګونو ناحیو د معاملاتو لارښوونې دفترونو استازو سره د همغږۍ. . .

BACK TO NEWS