په لوګر ولایت کې ۶ موټر پلورنځي د غيرقانوني فعاليت له امله وتړل شول
د لوګر ولایت د معاملاتو لارښوونې د دفترونو ګډ نظارتي پلاوي د محرمالحرام د مياشتې په ۵مه نېټه د سهشنبې په ورځ، په دغه ولایت کې له د موټر پلورنځیو له يو شمېر دفترونو څخه نظارت ترسره کړ.
دغه نظارتي پلاوي چې د لوګر ولایت د عدلیې رياست، امنيه قوماندانۍ او مستوفیت استازي پهکې شامل دي د یادو دفترونو د فعالیت جوازونه، د ثبت کتابونه، رسمي سټې او یو شمېر نور اړين اسناد بررسي کړل.
مؤظف پلاوي د یاد نظارت پر مهال د موټر پلورنځيو ۶ دفترونه چې له قانوني جواز پرته یې فعالیت کاوه وتړل او د پاتې نورو دفتروتو متصديانو ته یې د موجودو نيمګړتياوو د لرې کولو او د کاري چارو ښه پرمخ وړلو په موخه لازمې توصیې وکړې.
