په لغمان ولایت کې له یو شمېر دارالوکالو څخه نظارت ترسره شو
د لغمان ولایت د عدلیې ریاست نظارتي پلاوي په تېرو دوو ورځو کې، په دغه ولایت کې له ۱۳ دارالوکالو څخه نظارت ترسره کړ او د هغو فعالیتونه یې بررسي کړل.
نظارتي پلاوي د دغه نظارت په ترڅ کې د دارالوکالو دفترونه، جوازلیکونه، لوحې او نور اړین اسناد بررسي کړل.
همدارنګه، موظف پلاوي د یادو دارالوکالو یو شمېر ستونزې او نیمګړتیاوې مشخصې کړې او د دغو ستونزو د لرې کولو ترڅنګ یې له مؤکلینو او مراجعینو سره د وکیلانو پر نیک چلند کولو ټینګار وکړ.
د لغمان ولایت د عدلیې رياست په دوامداره توګه په یاد ولایت کې له اړوندو برخو څخه نظارت ترسره کوي ترڅو له غير قانوني فعالیتونو څخه مخنيوی وشي.
