په لغمان او ننګرهار ولایتونو کې د زرګرۍ کابو ۱۶۲ دوکانونه نظارت شول

barekzai_admin
سه‌شنبه ۱۴۰۳/۱۰/۱۱ - ۱۵:۱۶
.

د عدلیې وزارت مؤظف هیئت د مرکز زرګرانو د اتحادیې له رئیس او د هیئت نورو غړو سره لغمان او ننګرهار ولایتونو ته سفر وکړ او په دغو ولایتونو کې یې د زرګرانو د فعالیت څرنګوالی بررسي کړ.

یاد هیئت د طلا په عیار او نرخ کې د جعل‌کارۍ د مخنیوي په موخه په ننګرهار ولایت کې د زرګرانو ۱۴۰ دوکانونه او ۷۰ کارخانې او په لغمان ولایت کې ۲۲ نور دوکانونه بررسي کړل.

د دغې بررسۍ په ترڅ کې هیئت له زرګرانو سره موجود  غیر معیاري سره زر مشخص کړل او هغوی ته يې د دې توصیې پر مبنی چې  په راتلونکي کې د غیرمعیاري سرو زرو له پلورلو څخه ډډه وکړي، له یادو زرګرانو څخه ژمنه هم واخیسته.

همدارنګه موظف هیئت د لغمان ولایت له یو شمېر زرګرانو سره هم ناسته ترسره کړه او د اتحادیې رامنځته کولو او د هغې د اهمیت په اړه یې خبرې وکړې چې په ترڅ کې یې یوه اتحادیه جوړه او د نظر سنجۍ په اساس دوه تنه د رئیس او مرستيال په توګه وټاکل شول.

د عدلیې وزارت موظف هیئت په نورو ولایتوکې هم د زرګرۍ دوکانونه او د سرو زرو پلورنځي بررسي او نظارت کوي ترڅو بازار ته معیاري سره زر عرضه شي او د جعل‌کارۍ مخه ونیول شي.

تازه خبرونه

شنبه ۱۴۰۴/۷/۲۶ - ۱۴:۲۶
Background image

په کابل کې د کورونو د کرایې نرخ د څرنګوالي په تړاو د معاملاتو لارښوونې ۱۸ دفترونه بررسي شول

 د کورونو د کرایې د کنټرول ګډې کمېټې توظیف شویو ټیمونو د کورونو د کرايې د کنټرول په موخه په تېرو درې ورځو کې د کابل ښار په بېلابېلو ناحيو کې د معاملاتو لارښوونې ۱۸ دفترونه او ۸ استوګنیز. . .

شنبه ۱۴۰۴/۷/۲۶ - ۱۴:۱۷
Background image

په کابل ښار کې ۳ دارالوکالې د غيرقانوني فعاليت له امله وتړل شوې

 د اسلامي امارت د عدلیې وزارت د مدافع وکیلانو ریاست نظارتي پلاوي، د کابل ښار په څلورمه ناحیه کې د یو شمېر دارالوکالو فعالیتونه نظارت او بررسي کړل.

دغه نظارت او بررسي د ربیع‌الآخر د. . .

شنبه ۱۴۰۴/۷/۲۶ - ۱۴:۷
Background image

د بلخ ولایت د عدلیې ریاست کارکوونکو لپاره د زده کړه ییزې برنامې پای ته رسېدل

 د بلخ ولایت د عدلیې ریاست کارکوونکو لپاره د «مسلکي او اداري زده کړې» تر سرلیک لاندې، شپږ ورځنۍ زده کړه ییزه برنامه چې د عدلیې وزارت د کارکوونکو چارو رياست له لورې د یاد ریاست په مقر کې. . .

BACK TO NEWS