په لسو ولایتونو کې کابو ۲۴۰۰ تنو ته حقوقي پوهاوی وړاندې شو
د عدلیې وزارت د حقوقي مرستو رياست، په مرکز او ولایتي امریتونو یې په نهه نورو ولایتونو کې ۲۳۸۰ تنو ته د حقوقي پوهاوي ورکولو برنامې وړاندې کړي دي.
دا برنامې د محرم الحرام د مياشتې په ۴ او ۵ مه نېټه د چهارشنبې او پنجشنبې په ورځو کې د مرکز په ګډون بلخ، بادغیس، هرات، پکتيکا، پکتیا، سرپل، پروان٬ غزني او کاپیسا ولايتونو کې وړاندې شوې او په ترڅ کې یې د عدلیې وزارت د پېژندنې، د اسلام او شریعت په رڼا کې د اولادونو روزنه، د هېوادوالو د حقوقو او مکلفیتونو او د ورته نورو مهمو موضوعاتو په اړه پوهاوی ورکړل شو.
د عدلیې وزارت د کابل په ګډون د هېواد په ټولو ولایتونو کې د حقوقي پوهاوي ورکولو برنامې جوړوي او موخه یې دا ده چې خلک په خپلو حقوقو پوه شي او د خپل ورځني ژوند د حقوقي ستونزو په لرې کولو کې ورڅخه ګټه پورته کړي.
