په غور ولایت کې د ۴ زره ۲۹۳ جریبه امارتي ځمکې تثبیت
د غور ولایت د ځمکو له غصب څخه د مخنیوي تخنیکي هیئت ناسته د رجب المرجب د میاشتې په ۱۲ مه نېټه، د دوشنبې په ورځ، د یاد هیئت د رئیس او غړو په ګډون ترسره شوه.
د تخنیکي هیئت په دې ناسته کې، د غور ولایت د مرکز اړوند په پشته ګاو مرک او نرکوه ساحو کې د درې زره درې سوه څوارلس (۳۳۱۴) جریبه ځمکې او د دولتیار ولسوالۍ په جوی سرخ او لکه مزار کلیو کې د نهه سوه نهه اویا (۹۷۹) جریبه ځمکو دوسیو په اړه بحث او خبرې وشوې او په ترڅ کې یې یادې ساحې امارتي تثبیت او تشخیص شوې.
هیئت پرېکړه وکړه چې د یادو ځمکو دوسیې دې د وروستۍ پرېکړې په موخه مرکزي کمېسیون ته واستول شي.
همدارنګه، په دې ناسته کې د غور ولایت په بېلابېلو ساحو کې د ځمکو د غصب اړوند یو شمېر نورې دوسیې هم بررسي شوې او په اړه یې لازم تصامیم ونیول شول.
