په سمنګان ولایت کې څه دپاسه ۸۶ زره جریبه ځمکه عامه څړځای تثبیت شوه
د سمنګان ولایت د ځمکو د غصب د مخنیوي تخنیکي هیئت د صفرالمظفر د میاشتې په ۲۷ نېټې د چهارشنبې په ورځ د عامه څړځای د ځمکو د بررسۍ او تثبیت په منظور د یاد ولایت په خلم ولسوالۍ کې د خیر آباد دښتې ساحې ته روان شو او په دغې ساحې کې د عامه څړځای لسګونه جریبه ځمکه تثبیت کړه.
یاد هیئت د خلم ولسوالۍ د خیر آباد دښتې ساحه بررسي کړه او یاده شوې ساحه د فني انجنیر په واسطې جي پي اس او مساحت یې تعیین شو.
دغه هیئت له بررسۍ څخه وروسته په یادې ساحې کې ۸۶ زره او ۳۹۹.۲۴ جریبه ځمکه عامه څړځای تثبیت کړه.
