په سمنګان ولایت کې د څه باندې ۱۷۳ جریبه امارتي ځمکې تشخيص
د سمنګان ولایت د ځمکو له غصب څخه د مخنیوي تخنیکي هیئت ناسته د صفر المظفر د مياشتې په ۵مه نېټه د چهارشنبې په ورځ، د یاد هیئت د رئیس او غړو په ګډون جوړه شوه.
د تخنیکي هیئت په دې ناسته کې د سمنګان ولایت په روی دو آب ولسوالۍ کې د څه باندې پنځه نوي (۹۵) جریبه ځمکې دوسیې او د حضرت سلطان ولسوالۍ په آقچوقي ساحه کې د څه باندې اته اويا (۷۸) جریبه ځمکو دوسیې تر بحث او بررسۍ لاندې ونيول شوې او په ترڅ کې یې یادې ځمکې امارتي تشخیص شوې.
هيئت پرېکړه وکړه چې د یادو ځمکو دوسيې دې د وروستۍ پرېکړې په موخه مرکزي کمېسيون ته واستول شي.
همدارنګه، په دې ناسته کې د سمنګان ولایت په بېلابېلو ساحو کې د غصب شویو ځمکو اړوند یو شمېر نورې دوسیې تر بحث او بررسۍ لاندې ونيول شوې او په اړه يې لازم تصامیم ونیول شول.
