په سرپل ولایت کې ۱۳ جریبه امارتي ځمکه تثبيت شوه
د سرپل ولایت د ځمکو د غصب د مخنیوي تخنیکي هیئت د روژې د مياشتې په ۱۰ مه نېټه د چهار شنبې په ورځ د یاد ولایت سانچارک ولسوالۍ انګشت شاه درې ته په سفر ولاړ او هلته یې د بررسۍ په پایله کې ۱۳ جریبه امارتي ځمکه تثبيت او تشخيص کړه.
د ځمکو د غصب د مخنيوي تخنيکي هیئت د یادې ځمکې له متصرفینو څخه د ملکیت د سندونو، په تړاو معلومات وغوښتل.
همدارنګه یاد هيئت د يوې بلې ناستې په ترڅ کې د سرپل ولایت په سوزمه قلعه ساحه کې د ۲۰ زره جریبه امارتي ځمکې په تړاو بحث وکړ او پرېکړه یې وکړه چې ځمکه بیا ځلې بررسي او په اړه یې لازم معلومات راټول شي.
