په سرپل ولایت کې څه باندې ۳۰۰ جریبه امارتي ځمکه تثبیت شوه
د سرپل ولایت د ځمکو د غصب د مخنیوي تخنیکي هیئت د رجب المرجب د میاشتې په ۱۹ نېټه د چهارشنبې په ورځ په سید آباد ولسوالۍ کې د غصب لاندې ساحو په بررسۍ سره، څه باندې ۳۰۰ جریبه ځمکه امارتي تثبیت شوه.
یاد هیئت د سید آباد ولسوالۍ ذکه ساحې ته ولاړ او په یادې ساحه کې يې غصب شوې ساحې بررسي کړې چې په پایله کې کابو ۳۰۱.۲۵ جریبه اوبه لرونکې امارتي ځمکه تثبیت شوه او له شخصي ځمکه څخه تفکیک شوه.
د سرپل ولایت تخنیکي هیئت په روانه اوونۍ کې د یاد ولایت د محکمې له مسؤولینو سره هم وکتل او د ځمکو د غصب دوسیو ته د رسیدګۍ، تخنیکي هیئت او محکمې ترمنځ د هغمږۍ او د نورو موضوعاتو په اړه خبرې وکړې.
