په سرپل ولایت کې د څه باندې ۸۵ زره جریبه ځمکې بررسي کېدل
د سرپل ولایت د ځمکو له غصب څخه د مخنیوي تخنیکي هیئت ناسته د شوال ۱۰ مه نېټه د سه شنبې، د یاد هيئت د رئيس او غړو په ګډون جوړه شوه.
تخنيکي هيئت په دې ناسته کې، د سرپل ولایت د سانچارک ولسوالۍ اړوند په دهمرده او آبکلان ساحو کې د څه باندې پنځه اتیا زره اته سوه څلور نوي (۸۵۸۹۴) جریبه ځمکې دوسیه تر بحث او بررسۍ لاندې ونيوله.
هيئت پرېکړه وکړه چې د یادې ځمکې دوسیه د لازمې پرېکړې په موخه مرکزي کمېسيون ته واستول شي.
همدارنګه په ياده ناسته کې د سرپل ولایت د بېلابېلو ساحو د غصب شويو ځمکو اړوند یو شمېر نورې دوسیې هم بررسي شوې او په اړه یې لازم تصامیم ونیول شول.
