په جوزجان ولایت کې د ۴۷۰ جریبه ځمکې بررسي کېدل
د جوزجان ولایت د ځمکو له غصب څخه د مخنیوي تخنیکي هیئت ناسته د جمادي الثاني د مياشتې په ۳۰ مه نېټه، د چهارشنبې په ورځ د دغه هیئت د رئیس او غړو په ګډون جوړه شوه.
د تخنیکي هيئت په دې ناسته کې، د یاد ولایت د مرکز اړوند په لالاکوت ګلبهار کلي کې د څلور سوه اویا (۴۷۰) جریبه ځمکې په اړه بحث او خبرې وشوې.
تخنيکي هيئت پرېکړه وکړه چې د یادې ځمکې دوسیه دې د لازمې پرېکړې په موخه مرکزي کمېسيون ته واستول شي.
همدارنګه په یاده ناسته کې د جوزجان ولایت په کچه د ځمکو د غصب اړوند یو شمېر نورې دوسیې هم تر بحث او بررسۍ لاندې ونيول شوې او په اړه یې لازم تصامیم ونیول شول.
