په جوزجان ولایت کې د څه باندې ۷۶۰ جریبه ځمکې بررسي کېدل
د جوزجان ولایت د ځمکو له غصب څخه د مخنیوي تخنیکي هیئت ناسته د جمادی الأولی د مياشتې په ۱۸ مه نېټه، د چهارشنبې په ورځ د دغه هیئت د رئیس او غړو په ګډون ترسره شوه.
د تخنیکي هيئت په دې ناسته کې، د یاد ولایت د مرکز اړوند په شورجر عربیه کلي کې د څه باندې اوه سوه دوه (۷۰۲) جریبه او په صوفي قلعه کلي کې د پنځه ویشت (۲۵) جریبه ځمکو موضوعاتو په اړه بحث او خبرې وشوې.
هيئت پرېکړه وکړه چې د یادو موضوعاتو په اړه املاکي څېړنې ترسره شي او د راتلونکو اجراآتو په موخه دې مرکزي کمېسيون ته واستول شي.
همدارنګه، په یاده ناسته کې د ځمکو د غصب اړوند یو شمېر نورې دوسیې هم بررسي شوې او په اړه یې لازمې تصامیم ونیول شول.
