په جوزجان ولایت کې د څه باندې ۳۸ زره جریبه ځمکو دوسیې بررسي شوې
د جوزجان ولایت د ځمکو له غصب څخه د مخنیوي تخنیکي هیئت ناسته، د ذوالقعدې د میاشتې په ۱۳مه نېټه د یکشنبې په ورځ، د یاد هیئت د رئیس او غړو په ګډون جوړه شوه.
په دې ناسته کې، د جوزجان ولایت د مرکز اړوند په خواجه برهان کلي کې د اته دېرش زره دوه سوه نهه شپېته (۳۸۲۶۹) جریبه ځمکې او د جګدلک ساحې په ککرتک جر کلي کې د څه باندې دوه سوه ديارلس (۲۱۳) جریبه ځمکې دوسیې تر بحث او بررسۍ لاندې ونیول شوې او په اړه یې لازم تصاميم ونيول شول.
همدارنګه، په یاده ناسته کې د جوزجان ولایت د بېلابېلو ساحو د غصب شویو ځمکو اړوند یو شمېر نورې دوسیې بررسي شوې او په اړه یې لازم تصامیم ونیول شول.
