په جوزجان ولایت کې د څه باندې ۲۰۰ جریبه امارتي ځمکې استرداد
د جوزجان ولایت د ځمکو له غصب څخه د مخنیوي تخنیکي هيئت ناسته د محرمالحرام د مياشتې په ۲۰ مه نېټه د چهارشنبې په ورځ، د یاد هيئت د رئيس او غړو په ګډون سره جوړه شوه.
تخنيکي هيئت په دې ناسته کې، د جوزجان ولایت د فیض آباد ولسوالۍ اړوند په علي آباد کلي کې څه باندې یو سلو اویا (۱۷۰) جریبه ځمکه، د شبرغان ښار په صوفي قلعه کلي کې څه باندې پنځه ويشت (۲۵) جریبه ځمکه او په خواجه دوکوه او قرقين ولسواليو کې څه باندې اته (۸) جریبه ځمکه چې له دې وړاندې امارتي تثبیت او تشخیص شوې وې د ځمکو له غصب څخه د مخنيوي کميسيون د پرېکړې په اساس استرداد کړې او د ځمکو په بانک کې یې د ثبت په موخه د کرنې رياست ته تسليم کړې.
همدارنګه، په دې ناسته کې د جوزجان ولایت په بېلابېلو ساحو کې د غصب شويو ځمکو اړوند یو شمېر نورې دوسیې هم تر بحث او بررسۍ لاندې ونيول شوې او په اړه یې لازم تصاميم ونيول شول.
