په جوزجان ولایت کې د څه باندې ۱۲۷ جریبه ځمکې بررسي کېدل
د جوزجان ولایت د ځمکو له غصب څخه د مخنیوي تخنیکي هیئت ناسته د رجب المرجب د شعبان د مياشتې په ۳ مه نېټه، د یکشنبې په ورځ، د دغه هیئت د رئیس او غړو په ګډون جوړه شوه.
په دې ناسته کې، د جوزجان ولایت د مرکز اړوند په بابه علي او مصر آباد کليو کې د څه باندې يو اتيا (۸۱) جریبه ځمکې، د قوش تيپې ولسوالۍ شور قدوق او خانقاه کليو کې د څه باندې دوه څلوېښت (۴۲) جریبه ځمکې او د درزاب ولسوالۍ په چکنه کلي کې د څه باندې څلور (۴) جریبه ځمکو دوسیو په اړه بحث او خبرې وشوې.
تخنیکي هیئت پرېکړه وکړه د جوزجان ولایت د مرکز اړوند په بابه علي او مصر آباد کليو کې د څه باندې يو اتيا (۸۱) جریبه ځمکو په اړه املاکي ترسره شي او د قوش تيپې ولسوالۍ شور قدوق او خانقاه کليو کې د څه باندې دوه څلوېښت (۴۲) جریبه ځمکې او د درزاب ولسوالۍ په چکنه کلي کې د څه باندې څلور (۴) جریبه ځمکو دوسیې دې د وروستۍ پرېکړې په موخه مرکزي کميسيون ته واستول شي.
همدارنګه، په یاده ناسته کې د جوزجان ولایت په کچه د ځمکو د غصب اړوند یو شمېر نورې دوسیې هم تر بحث او بررسۍ لاندې ونیول شوې او په اړه یې لازم تصامیم ونیول شول.
