په تېره میاشت کې د هرات عدلیې ریاست لخوا د معاملاتو لارښوونې ۷۶ جوازونه وېشل شوي
د هرات ولایت د عدلیې ریاست د معاملاتو لارښوونې او عریضهلیکونکو مدیریت د ۱۴۴۶ هجري قمري کال د ذیالقعدې میاشتې په ترڅ کې، د معاملاتو لارښوونې ۷۶ نوي جوازونه او ۵۰ تمديدي جوازونه له قانوني مراحلو تېرولو وروسته غوښتونکو ته وېشلي دي.
د دغو جوازونو د وېش په مراسمو کې د عدلیې ریاست مسؤولینو د معاملاتو لارښوونې له جواز غوښتونکو څخه وغوښتل چې د قانون او اصولو مطابق خپل فعالیتونه پرمخ یوسي، له جعل، فساد او غیرقانوني فعالیتونو ډډه وکړي، په خپلو فعالیتونو کې له اخلاص او امانت دارۍ څخه ګټه پورته کړي او له خلکو سره دې نيک چلند وکړي.
همداراز، د معاملاتو لارښوونې جواز غوښتونکو ډاډ څرګند کړ چې خپلې چارې به د اصولو او مقرراتو له مخې پرمخ وړي او خلکو ته د لا زياتو اسانتياوو رامنځته کولو برخه کې هڅې وکړي.
