په بلخ ولایت کې د ۲۳۹ جریبه امارتي ځمکې تثبيت او تشخیص
د بلخ ولایت د ځمکو له غصب څخه د مخنیوي تخنیکي هیئت ناسته، د رجب المرجب د میاشتې په ۲۶مه نېټه د دوشنبې په ورځ، د یاد هیئت د رئیس او غړو په ګډون ترسره شوه.
په دې ناسته کې د یاد ولایت د چمتال ولسوالۍ اړوند په صدميش کلي کې د دوه سوه نهه دېرش (۲۳۹) جريبه ځمکې دوسيې په اړه بحث وشو او په ترڅ کې يې یاده ځمکه امارتي تثبيت او تشخيص شوه.
هيئت پرېکړه وکړه چې د یادې ځمکې دوسیه دې د وروستۍ پرېکړې په موخه مرکزي کمېسيون ته واستول شي.
همدارنګه، په دې ناسته کې د بلخ ولایت په بېلابېلو ساحو کې د ځمکو د غصب اړوند یو شمېر نورې دوسیې هم تر بحث او بررسۍ لاندې ونيول شوې او په اړه يې لازم تصامیم ونیول شول.
