په بغلان ولایت کې له يو شمېر دارالوکالو څخه نظارت ترسره شو
د بغلان عدلیې رياست نظارتي پلاوي د شوال د مياشتې په ۱۰ مه نېټه د سهشنبې په ورځ، د بغلان ولایت په مرکز پلخمري ښار کې له ۱۲ دارالوکاله نظارت ترسره کړ او د هغو فعاليتونه یې بررسي کړل.
نظارتي پلاوي د دغه نظارت په ترڅ کې د یادو دارالوکالو دفترونه، جوازلیکونه، لوحې او نور سندونه بررسي کړل.
پلاوي، د یادو دارالوکالو نیمګړتیاوې مشخصې کړې او د نیمګړتیاو د لرې کولو او د کاري چارو ښه پر مخ وړلو په موخه يې د هغو متصدیانو ته لازمې توصیې وکړې.
همدارنګه، د دغه نظارت په ترڅ کې مدافع وکيلانو هم خپلې شته ستونزې له نظارتي پلاوي سره شريکې کړې او د هغو د حل غوښتونکي شول چې د حل په برخه کې یې ډاډ ورکړل شو.
