په بغلان ولایت کې د ۲۴۲ جریبه امارتي ځمکې تشخيص
د بغلان ولایت د ځمکو له غصب څخه د مخنیوي تخنیکي هیئت ناسته د محرمالحرام د مياشتې په ۱۰مه نېټه، د یکشنبې په ورځ، د دغه هيئت د رئيس او غړو په ګډون جوړه شوه.
د تخنيکي هيئت په دې ناسته کې د یاد ولایت د مرکزي بغلان ولسوالۍ اړوند په سهپيچ ګرداب کلي کې د دوه سوه دوه څلوېښت (۲۴۲) جریبه ځمکې دوسیې په اړه بحث او خبرې وشوې او په ترڅ کې یې یاده ځمکه امارتي تشخيص شوه.
هيئت پرېکړه وکړه چې د یادې ځمکې دوسیه دې د وروستۍ پرېکړې په موخه مرکزي کمېسيون ته واستول شي.
همدارنګه، په ياده ناسته کې د بغلان ولایت په نورو ساحو کې د غصب شويو ځمکو اړوند یو شمېر دوسیې هم بررسي شوې او په اړه یې لازم تصاميم ونيول شول.
