په بغلان ولايت کې د معاملاتو لارښوونې د شپږو دفترونو تړل کېدل
د بغلان ولایت د عدلیې ریاست نظارتي پلاوي د محرمالحرام دمياشتې په ۵مه نېټه د سهشنبې په ورځ، د دغه ولایت مرکز پلخمري ښار کې د معاملاتو لارښوونې له ۶۴ دفترونو څخه نظارت ترسره کړ او د هغو فعالیتونه یې بررسي کړل.
د نظارتي پلاوي د دغه نظارت او بررسۍ په ترڅ کې، د معاملاتو لارښوونې ۶ دفترونه د غير قانوني فعالیت له امله وتړل شول او د معاملاتو لارښوونو د نورو دفترونو متصدیانو ته د شته نيمګړتياو د اصلاح او د کاري چارو ښه پرمخ وړلو په موخه لازمې توصیې وشوې.
د عدلیې وزارت په مرکز او د عدلیې ریاستونه په ولایتونو کې، په دوامداره توګه له اړوندو برخو څخه نظارت او بررسي ترسره کوي تر څو د غير قانوني فعاليتونو مخه ونيول شي.
