په باميان ولایت کې د کابو ۴۸۰۰ جریبه ځمکې بررسي کېدل
د باميان ولایت د ځمکو له غصب څخه د مخنيوي تخنيکي هيئت ناسته، د محرمالحرام د مياشتې په ۴مه نېټه د دوشنبې په ورځ، د یاد هيئت د رئيس او غړو په ګډون جوړه شوه.
د تخنيکي هيئت په دې ناسته کې د یاد ولایت د مرکز اړوند په جګرهخيل ساحو کې د څلور زره اووه سوه نهه نوي (۴۷۹۹) جریبه ځمکې دوسیې په اړه بحث وشو او تر بررسۍ لاندې ونيول شوه.
هيئت پرېکړه وکړه چې د یادې ځمکې په اړه دې املاکي څېړنې ترسره شي.
همدارنګه په دې ناسته کې د ځمکو د غصب اړوند یو شمېر نورې دوسیې هم تر بررسۍ لاندې ونيول شوې او په اړه یې لازم تصاميم ونيول شول.
