پنجشیر ولایت کې د نږدې ۷ جریبه غصب شوې ځمکې تثبیت او تشخیص
د پنجشیر ولایت د ځمکو د غصب د مخنیوي تخنیکي هیئت رئیس او غړو، د جمادي الثاني د میاشتې په ۱۷ نېټه د یکشنبې په ورځ د غصب شویو ساحود تثبیت او تشخیص په موخه د یاد ولایت عنابې ولسوالۍ ته سفر وکړ او په دې ولسوالۍ کې يې نږدې ۷ جریبه غصب شوې امارتي ځمکه تشخیص او سکیچ کړه.
تخنیکي هیئت لومړی د عنابې ولسوالۍ د تاواخ کلي له اوسیدونکو سره وکتل او د یاد کلي اوسیدونکو ته یې په مرکز کې د ځمکو د غصب د مخنیوي کمېسیون او په ولایتونو کې د هغه تخنیکي هیئتونو د رامنځته کیدو په اړه معلومات وړاندې کړل.
وروسته هیئت د یادې ولسوالۍ د تاواخ کلي دشتک ساحې ته ولاړ او په دې ساحه کې ۶.۹ جریبه غصب شوې ځمکه تشخیص، کروکي او سکیچ کړه.
