لغمان او نیمروز ولایتونو کې له ۸۰۰ جریبو څخه زیاته ځمکه امارتي تثبیت شوه
د لغمان ولایت د تخنیکي هیئت ناسته د یاد هیئت د رییس او غړو په حضور سره جوړه شوه او پکې د کمېسیون د مشرتابه لارښوونه د اوي ناو یو تن کوچي د کور ویجاوړلو په اړه د هیئت له غړو سره شریک شو او د پروايي ساحه کې د یوې قطعې ځمکې په تړاو د یو بل شخص عریضه بررسي شوه او تصمیم ونیول شو چې ساحه له نږدې بررسي شي.
هیئت له پروايي سیمې څخه لیدنه وکړه او ۴۷۷.۵۳ جریبه ځمکه يې امارتي تثبیت او تشخیص کړه. یاد هیئت نوموړې سیمه کې کار کول بند کړل او ددعوا له دواړو لورو څخه یې قانوني سندونه وغوښتل. دغه راز هیئت له اوي ناو سیمې څخه لیدنه وکړه او ۲۴۲.۶ جریبه ځمکه يې د اوي ناو او کچور سیمو کې امارتي تثبیت کړه.
هیئت د یادو سیمو له غاصبینو سره وکتل او د هغوی د کورونو د ویجاړولو په اړه يې د کمېسیون د مشرتابه لارښوونه یې هغوی ته بیان کړه او د هغوی له پاره لازمې توصیې وشوې.
یاد هیئت علینګار ولسوالۍ ته ولاړ او ولسوال ته یې لارښوونه وکړه چې هیچا ته اجازه ورنکړي چې امارتي میدانونو کې نوي کارونه پیل کړي. ولسوال دغې برخه کې د خپل له همکارۍ څخه ډاډ ورکړ.
یاد هیئت د کله کوت سیمه کې د ابراهیم خیل څو تنو کوچیانو سره چې امارتي ځمکې خپل څړځای ګڼي، وکتل او له هغوی څخه یې سندونه وغوښتل. دغه راز هیئت د زنګوري سیمې د ۱۲۳ جریبه ځمکې له اجاره دار څخه وغوښتل چې د ځمکې یو کلنه اجاره امارت ته تحویل کړي ترڅو قاضي دغې برخه کې خپل حکم صادر کړي.
په همدې حال کې، د نیمروز ولایت تخنیکي هیئت د زرنج ښار سیادک سیمې ته ولاړ او د سیمې له بررسي څخه وروسته د پوهنتون لویدیځ کې ۱۰۵ جریبه امارتي ځمکه تثبیت کړه.
دغه راز هیئت هغه دیوالونه چې پخوا د خلکو لخوا پخپلسر ډول جوړ شوي وو، ویجاړ کړل.
