د کنړ ولایت په یو ښوونځي کې د حقوقي پوهاوي ورکولو د برنامې جوړول
د کنړ ولایت د عدلیې ریاست د حقوقي مساعدتونو آمریت د صفرالمظفر د میاشتې په ۱۷ نېټې د یکشنبې په ورځ د یاد ولایت د مرورې ولسوالۍ د چنار د کلي د نارینو په یو ښوونځي کې د حقوقي پوهاوي ورکولو برنامه جوړه کړه.
په دغې برنامې کې د یاد ښوونځي ۳۳۰ تنو زده کوونکو ته د مخدره توکو د استعمال د زیانونو، د اسلامي شریعت په رڼا کې د ښوونکو د حقوقو، د نبوي اخلاقو او له نبوي سنت سره سم د صورت او سیرت د اصلاح په اړه پوهاوی ورکړل شو او هغوی د نیکې رویې درلودلو او دغه راز بښنې او نرمښت ته وهڅول شول.
د یاد ښوونځي مسؤلینو او ښوونکو د دغې برنامې له جوړونکو څخه مننه او قدرداني څرګنده کړه او په راتلونکي کې هم د دغه ډول برنامو د جوړیدو غوښتونکي شول.
