د کنړ ولایت له موټر پلورنځیو څخه لیدنه او نظارت ترسره شو
د کنړ ولایت د عدلیې ریاست د انسجام لوی مدیریت د ربیع الثاني د میاشتې په ۱۰ نېټې د چهارشنبې په ورځ د کنړ ولایت د مرکز په اسعدآباد ښار کې له یو شمېر موټر پلورنځیو څخه لیدنه او نظارت ترسره کړ.
یاد شوي هیئت د یادو موټرپلورنځیو سټې او د ثبت کتابونه بررسي کړل او د ځینو نیمګړتیاو د لري کولو په منظور یې هغوی ته لازمې توصیې وکړې.
دغه راز یاد شوي هیئت یو شمېر انځورونه چې د اسلامي امارت د پالیسۍ په خلاف په ځینو موټرپلورنځیو کې ځړول شوي وو، لري کړل او د یادو موټرپلورنځیو له مسؤلینو څخه یې وغوښتل چې د اسلامي امارت د پالیسۍ په خلاف د انځورونو، چارتونو او لوحو له لګولو او د غیر رسمي سټو له کارولو څخه ډډه وکړي
