د کنړ ولایت د ځمکو د غصب د مخنیوی د تخنیکي هیئت ناسته جوړه شوه
د کنړ ولایت د ځمکو د غصب د مخنیوي د تخنیکي هیئت ناسته د شوال میاشت په ۱۰ نېټه د یکشنبې په ورځ د دغه هیئت د رئیس او غړو په حضور جوړه شوه.
په دغې ناسته کې د یاد هیئت د سکرتریت لخوا ځیني موضوعات او لیکوونه وړاندې شول او د غاصبینو د شهرت، د غصب شوې ځمکې د ډول او په کې جوړ شوي تاسیسات او د یادو ځمکو د بېي د جدول جوړولو په تړاو د کمېسیون د لارښوونې د تطبیق په منظور یو ټیم تعیین شو.
په همدې توګه په یاد ناسته کې پریکړه وشوه چې د ولسوالیود املاکو مدیران راتلونکې غونډې ته وغوښتل شي او هغوی ته د امارتي ملکیتونو د ساتنې په اړه لارښوونه صادر شي.
