د کنړ ولایت د عدلیې ریاست اداري ناسته جوړیدل
د کنړ ولایت د عدلیې ریاست اداري ناسته، د شوال د مياشتې په ۲۷ مه نېټه د سهشنبې په ورځ، د یاد ولایت د عدلیې رئیس مولوي روح الله روحاني په مشرۍ او د یاد ریاست د آمرینو او کارکوونکو په ګډون جوړه شوه.
په دې ناسته کې، دکنړ ولایت د عدلیې رئيس په خپلو خبرو کې وويل چې د اسلامي امارت د نظام د بقا په خاطر باید ټول په ګډه سره هلې ځلې وکړو او خپلو خلکو ته په پوره ایمان دارۍ او صداقت سره خدمت ترسره کړو.
نوموړي همدارنګه، د عدلیې ریاست کارکوونکو ته د خپلو مسؤولیتونو د ترسره کولو، وخت او حاضرۍ ته د پابندي کولو، د اخلاص درلودلو، د کارکوونکو تر منځ د متقابل احترام، له مراجعینو سره د ښه چلند او نورو مواردو په اړه لازمې توصیې وکړې.
په دې ناسته کې د عدلیې ریاست آمرینو او کارکوونکو هم خپلې ستونزې او د کاري چارو ښه والي په منظور وړاندیزونه مطرح کړل او هغو ته د رسیدګۍ غوښتونکي شول.
