د کندهار ولایت په عدلیې ریاست کې د دعوت او ارشاد غونډه جوړه شوه
د دعوت او ارشاد غونډه د ربیع الاول میاشت په ۲۲ نېټه د سه شنبې په ورځ د کندهار ولایت د ټولو کارکوونکو په حضور سره د دغه ریاست په مقر کې جوړه شوه.
په دغې غونډه کې، د دغه ریاست د حقوقو امر مولوي الله داد عابد له بیت المقدس څخه د کعبې په لوري د قبلې د بدلیدلو، له ټولو مسلمانانو سره د علماوو لخوا د ورورګلوۍ چلند، قومي، ژبني او سمتي تبعیض نه کولو په اړه خبرې وکړې او د دغه ریاست ټولو کارکوونکو ته یې د الله تعالی شکر ادا کولو او د زیات ذکر کولو په اړه سپارښتنې وکړې.
