د کندز ولایت د استیناف محکمې او د یاد ولایت د ځمکو له غصب څخه د مخنيوي تخنيکي هيئت ترمنځ د همغږۍ ناسته جوړیدل
د کندز ولایت د ځمکو له غصب څخه د مخنیوي تخنيکي هيئت د جمادی الأولی د میاشتې په ۹ مه نېټه د دوشنبې په ورځ، د دغه ولایت د استیناف محکمې له رئیس سره، د استيناف محکمې د ریاست په مقر کې وکتل.
په دې ليدنه کې چې د تخنيکي هيئت او د یاد ولایت د استیناف محکمې ترمنځ د لازیاتې همغږۍ په موخه جوړه شوه، د کندز ولایت د استيناف محمکې رئيس د دغه ډول ناستو جوړیدل ګټور وبلل او د امارتي غصب شویو ځمکو دوسیو ته د رسیدګۍ په برخه کې ډاډ ورکړ.
په دې ناسته کې د کندز ولایت په عسقلان ساحه کې د پنځه زره (۵۰۰۰) جریبه ځمکې د بررسي په اړه هم خبرې وشوې او پرېکړه وشوه چې، د یادې ځمکې دوسیه دې د وروستيو اجراآتو په موخه د افغانستان اسلامي امارت له سترې محکمې سره شريکه شي.
همدارنګه، له ناستې وروسته تخنيکې هيئت د کندز ښار په ۵ مه ناحيه کې څلور شپېته (۶۴) جریبه ځمکه له نږدې بررسي کړه او په اړه یې لازم تصمیم ونیوه.
