د کاپیسا ولایت د عدليې ریاست اداري ناسته جوړه شوه
د کاپیسا ولایت د عدلیې ریاست اداري ناسته د ربیع الثاني میاشت په ۱۰ نېټه د عدلیې رییس قاري شکرالله احمد په مشرۍ د عدلیې ریاست په مقر کې جوړه شوه.
په دغې ناسته کې، د عدليې ریاست امرینو او مدیرانو او د دغه ولایت د ۶ ولسوالیو د حقوقو مدیرانو ګډون کړی وو.
په دغې ناسته کې د حاضرۍ، د عدليې وزارت د ۱۴۰۲ کال د تشکیل او د داخلي پلټنې لخوا د پېژندل شوو ستونزو په اړه بحث او د نظرونو تبادله ترسره شوه.
په دغې ناسته کې د عدلیې رییس د دغه ریاست امرینو او مدیرانو ته توصیه وکړه چې خپل دندې او مسوولیتونو په خپل وخت اجرا کړي او له مراجعینو سره ښه رویه ولري او عریضو ته یې بې له کوم ځنډ څخه رسیدګي وکړي.
