د کاپيسا ولایت د ځمکو د غصب د مخنیوي د تخنیکي هیئت د ناستې جوړیدل
د کاپيسا ولایت د ځمکو د غصب د مخنیوي د تخنیکي هیئت ناسته، د ذوالقعدې د میاشتې په ۸ نېټه د یکشنبې په ورځ د دغه هیئت د رئیس او غړو په حضور سره جوړه شوه او د دغه ولایت په مرکز او تګاب ولسوالۍ کې د امارتي ځمکو د بررسۍ، تثبیت او استرداد په اړه په کې بحث وشو.
په دغې ناسته کې، یاد شوي هیئت د مرکز اړوند د عاشقانو دښتې او ګمنام دښتې او د تګاب ولسوالۍ ځینو برخو کې د پاتې ساحو د تثبیت او بررسۍ د څنګه والي په اړه د منظم کاري پلان پر جوړولو بحث او نظرونه تبادله کړل.
یاد شوي هیئت پریکړه وکړه چې یادو شویو ساحو ته فني ټیم ولاړ شي او د بررسۍ کار پیل کړي او د غاصبینو او متصرفینو شهرت اړوند جدول کې درج کړي ترڅو راتلونکي اجراآت ترسره شي.
