د کابل ښار د ۱۵ ناحیې په ریاست کې د حقوقي پوهاوي ورکوونې په اړه د همغږۍ د ناستې جوړیدل
د عدلیي وزارت د حقوقي مرستو رئیس مولوي حافظ عبدالصمد عمري د ۱۴۴۴ هجري قمري کال د شوال میاشت په ۲۴ نېټه د یکشنبې په ورځ د کابل ښار د پنځلسمې ناحيې له ریاست سره د همغږۍ ناسته جوړه کړه. په دغې ناسته کې د پنځلسمې ناحيې د رئیس سربېره، مرستیالانو او د دغې ناحیې د ګذر وکیلانو هم برخه اخیستې وه.
په دغې ناسته کې، د عدليې وزارت د حقوقي مرستو رئیس د حقوقي مرستو او حقوقي پوهاوي ورکوونې برنامې او د ټولنۍ د ننګونو د هوارولو په برخه کې د هغې د اهمیت په اړه خبرې وکړې، ویې ویل چې زموږ خلک ضعیف او بې وزله دي او باید له هغوی سره همکاري او مرستې وشي. هغه وویل چې دغه موضوع په اسلامي ټولنه د حاکم نظام او ادارو د مکلفیتونو له جملې څخه ده.
نوموړي زیاته کړه چې د اسلامي امارت د عدلیې وزارت مصمم دی ترڅو د حقوقي مرستو او د حقوقي پوهاوي ورکوونې برنامې له لارې د هېواد په کچه ګرانو خلکو ته غوره حقوقي خدمتونه عرضه کړي او په همدې منظور یې له بېلابېلو ادارو سره غونډې جوړې کړي او د دغو برنامو د تطبیق د څنګه والي او عامو خلکو ته ګذر د وکیلانو له لاري د پیغامونو رسولو په اړه بحث او د نظرونو تبادله صورت مومي.
د یادې ناستې ګډونکوونکو، دغه راز برنامې جوړیدل وستایل او هغه یې خلکو ته ستره معنوي مرسته وبلله.
په پای کې د هغوی پوښتنو او وړاندیزونو ته د عدلیې وزارت د حقوقي مرستو د رئیس لخوا ځواب وړاندې شو.
